Liedtext 's Kübele

Liedtext in der Mundart des Ries

`s Kiibale rinnd, ond `s Kiibale rinnd, (ond) `s Kiibale muaß zom/zuan Bind(e)r.
Morga Friah wann d´Sunna schei(n)d, muaß des Kiib(a)le ferdi(g) sei.

Es Kiibale rinnd, es Kiibale rinnd, es Kiibale muaß zom/zuan Bind(e)r.
Morga Friah wann´s Sunnale/wann d´Sunna schei(n)d, muaß des Kiib(a)le ferdi(g) sei.

No ned ferdi(g), no ned ferdi(g), bis zom/zuan Sams(ch)de/Fraide/schbäda Obad.
Wann i zua mein Schädzle gang, (dann) sag i: „Guada(n) Obad“!

Guada(n) Obad Lisabedh, sag mr wo dei Beddschdadd schdohd.
Hind(e)rn Ofa, in dean Egg, ha mi geara, i mag di ned!

Guada(n) Obad Lisabedh, sag mr wo dei Beddschdadd schdohd.
Hind(e)rn Ofa, in dean Egg, Lisabedh, i mag di ned!

Guada(n) Obad Lisabedh, sag mer wo dei Beddschdadd schdohd.
Hind(e)rn Ofa, in dean Egg, legg mi an A(r)sch, i mag di ned!

Guada(n) Obad Lisabedh, sag mr wo dei Beddschdadd schdohd.
Hind(e)rn Ofa, in dean Egg, wo dia Kadz da/ihrn Schwââz rausschdregd!

Guada(n) Obad Lisabedh, sag mr wo dei Beddschdadd schdohd.
Hindern Ofa, hindern Heard, daß dr Vaadr ja nix heard!

Guada(n) Obad Lisabedh, sag mr wo dei Beddschdadd schdohd.
Hindern Ofa, hindern Diisch, wo dr Vaadr d´Subba/z´Sibble issd!

Guada(n) Obad Lisabedh, sag mr wo dei Beddle schdohd.
Hind(e)rn Ofa, in dean Egg, ga(ng) du, Schadz, i sag dr´s ned!

Isch des Kiib(a)le no ned bunda, duad mr doch so Noad des Brunza.
Ha(b) i s´Kiib(a)le ned vrroichd, ha(b) i hald/glai ins Bedd nei´gsoichd.

Schiab ner zua, ond schiab ner zua, gid´s a Mädle odr an Bua.
Schiab ner zua, ja schiab ner zua, s´ gid/weard ganz gwiis an/a Bua. 

Hod´s hald doch koin Bua ned gäba, lo´mr´s abr doch/scho an Läba.
Däsmol war´s hald widdr nix, hom´mr doch/hald a Bix.

`s hod hald doch koin Bua ned gäba, deswäga lo´mr´s abr doch o´ leba.
Bessr isch´s a´doch wia nix, hom´mr hald a Bix.

Nomml an soda, nomml an soda, dees isch gar a guad(e)r.
O(n)sr Vaadr ligd in Bedd, ond kidzld an dr Muadr.

Dri dum dei, (ond) dri dum dei, di mei, dia isch no naglnui/naglnei,
dri dum dei, dri dum dei, di mei dia isch no nui/nei.

Di mei, dia isch(d) mid Bändle bonda, di dei, die hond/haba´d Franzosa gschunda,
dri dum dei, dri dum dei, di mei dia isch no nui/nei.

`s Kiibale schwimmd in Booda-, Booda-, `s Kiibale schwimmd in Boodasea.
`s Kiibale hod koin Booda-, Booda-, `s Kiibale hod koin Booda meahr.

Kraud ond Ruaba, dia wennd/wella Rä(a)ga, d´Erdbra, dia wennd/wella Sunnaschei.
Bei mein Mädle wär i geara, abr heid ka´s nimme sei.

Berbale komm, i mag di geara, Berbale komm ond danz mid miir.
Berbale, du muasch(d) mei no weara, Berbale komm, i danz mid diir.

Ond an Schoddisch mua(ß) ma kenna, wann´ma scheane Mädle wl.
Wear koin Schoddisch danza ka, dear griagd koi Weib ond o´koin Ma.

Refr. |: Holaria holaro, holaria ho. :|

Tanzbeschreibung

Die Tanzbeschreibung dieses Schweinauer (Zwiefachen) aus dem Ries finden Sie unter 's Kübele